cool
cool
cool
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


مواضيع مماثلة

 

 حصريـــــ : نكت جزائرية 100% لكل من يود الضحك

اذهب الى الأسفل 
كاتب الموضوعرسالة
????
زائر
avatar



حصريـــــ : نكت جزائرية 100% لكل من يود الضحك Empty
مُساهمةموضوع: حصريـــــ : نكت جزائرية 100% لكل من يود الضحك   حصريـــــ : نكت جزائرية 100% لكل من يود الضحك Emptyالثلاثاء أبريل 28, 2009 2:54 pm

سكران راح يشيع جنازة
سال مجنون: واش يشتغل الميت
قال:يحفر قبور قال السكران
سبحان الله من حفر حفرة ً لاخيه وقع فيها

هدا واحد يهجّي الهدرة بزاف في كل مرة يروح للقهوة ويقول للقهواجي: أعطيني ققققققـ.... ومايجي يقول قهوة يغلق مول المحل ويقولو ولي غدوة,ودايما تسرالو هكّا, وفي نهار قال لازم نبدا نوجّد الكلمة في الليل وكي نوصل الصباح نقولو, وفعلا بدا في الليل يقول: ققققققققـ... وفي الصباح مع وصل للقهوة قال: قهوة أعطيني, دار ليه القهواجي وقالو: انعم خويا؟؟
----------------------------------------------------------
مشحاح طاحت دراهمه من التاقة. كي نزل ما لقاهاش. علاه؟؟؟؟ لأنه وصل قبلها.
-----------------------------------------------------------
معلم سأل طالب: السروال مفرد و لا مثني يا طفل. رد الطالب: "مفرد من فوق و مثني من تحت"
-----------------------------------------------------------
كان فيه وحد العجوزة دخلت للقهوة. قاتلو يا وليدي شحال كاس قهوة. قالها 10د
قاتلو وشحال تحسبو السكر...قاللها ياالحاجة السكر باطل. قاتلو امالا أرى 2 كيلو
--------------------------------------------------------------
وحد العجوزة دخلوها تقرا في محو الأمية
المعلمة كانت تقري فيهم. ...دخل عمر الى القسم و خرج عمر من القسم لعشيا سقساها وليدها: يما واش قريتو اليومقاتلو يا وليدي عمر هذاك خلانا نقراو
نهار كامل وهو داخل خارج
-------------------------------------------------------------
وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة التلميذ قالو: العطلة يا أستاذ. في الشتاء 15 يوم وفي الصيف 3 أشهر
----------------------------------------------------------------
واحد كان يتفرج في وحد الفيلم تع الماريكان
كي خلاص الفيلم بدات تطلع الكتيبة جازت وحد الكتيبة فاتو قبل ما يقراها طلع عند جارو الي يسكن فوقو وقاعد يسنى فيها توصل
***********************
مزطول راح للدكتور يشكي انه كل ما يرقد ‏يحلم بقطط يلعبو في الكرة . قالو الدكتور : مترقدش يومين .. قال المزطول: منجمش على خاطرغدوة
La Final

قالك وحدة العجوزة تكذب اكثر مما تتنفس، في احدى الايام اتفقو اولادها بأن يبعثوها للحج راحت للحج و لاة ايا كي كانت مولية تأخرة بحوالي ساعة سألها وليدها وعلاه تأخرتو يا يما قالت لو واحش تحب يا بني الطيارة تخسرت هبطنا نطبعوها


بدوية أشترت لها عطر رجالي
سألها أبوها:ليش مشترية عطر رجالي
قالت له: حرمتونا منهم وتريدون تحرمونا من ريحتهم
☻☺☺☺☺☺☺☺☺☺☺☺☻☻☻☻☻☻☻
في ليلة كان ربعة من ليجون يحششوا ورا باطيمة وبعد مدة خلصلهم الكبريت, فبعتوا واحد منهم يطلب, مالا راح دار على لباطيما ولاّ ليهم بعد, قاللهم: يا جماعة ما عندكمش كبريت؟ قالوا: أقعد رانا بعتنا واحد يجيب...
------------------------------------------------------------
وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة
------------------------------------------------------------
مرة واحد يقلق مية في الساعة, دّا قماش عند الخياط وقالوا: اسمع حاب ندير قندورة تكون مليحة يعني يكون الكول مصاوب وصغير والدرعين مايكونو طوال مايكونو قصار ومن تحت توصل حتى للكعب وعندك ادّيرلي جيب مانسحقّش, ولكتاف مايكونوش عراض بزاف, وصاوبها تحت الطوابق, وأهم حاجة عندك ادّيرها محصورة انا ما نلبسش حاجة محصورة ولوكان درتها محصورة والله مانسلكك...هات لقماش هنا مانزيدش نجي عندك خلاص.
-----------------------------------------------------------
مرة واحد كسول ألف في الساعة شاف قدامو قشرة وهو يمشي
قال: ربي يعيني على هاذ الزلقة
---------------------------------------
واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي


+===========دعاء استاد الرياضيات?==================================
الهي لقد خلقت هذه الدنيا ( دائرة )
وعلمك (محيط ) بها من كل (قطر) و ( زاويه)
(فاسقط) اللهم علينا (عمودا) من النور ( يمس ) قلوبنا ..
واهدنا صراطك (المستقيم).
(وابسط) اللهم لعبيدك الرزق وآمنهم على وجه (البسيطة)
يا حنان يا منان .. ولا تحرمنا يا رب في هذا ( المقام )
من( معين) رحمتك . وهيئ لنا (عملا) صالحا يقربنا إليك
ولا يبعدنا عن رحمتك.
اللهم لقد اصابتنا مصيبة ( حادة ) وقد سعت إلينا ( بقدم )
وساق فأوهت عظامنا و ( الأضلاع )
وطالت مدتها و (استطالت) , و (نسألك ) ربنا أن تجعل كرباتنا برحمتك (منفرجة) . اللهم عليك بمن عاداك واستكبر .
اللهم ( إحصهم ) ( عددا ) ولا تغادر منهم ( زوجا )
ولا (فردا ) ولا ( احدا ) اللهم لا تقم لهم (قائمة)
ولا ( تجبر) (كسرهم) ولا ( تجمع) شملهم وإجعل (قسمتهم) الخاسرة (واضربهم) واستأصل) جذرهم(
وأجعل أيام نحسهم (متوالية) وأخرجهم من الدنيا (صفر) اليدين
)و اطرحهم ) اللهم في سقر..
اللهم إنا (سألناك) فلا تحرمنا (الجواب)
يا خير من لعباده ( إستجاب).

سكران واقف قدام داره سالو شرطي
انت من اهل البيت ؟
رد عليه السكران
لا انا من كفار قريش
******************
هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف روحو في لمرايا وقال: هيه... قلتلها نوضيني نوضت خوي
******************
واحد دخل للملعب وهاز في يدو مغرف علاه؟..............................حاب يحرك اللعب
******************
واحد كان يشاتي في الانترنيت مع فتاة قالها كيفاه اسمك كتبتلو فاطمة و حطت قدامها وردة يعني (فاطمة الزهراء) هو واش كتبلها ......
le pére vendredi
(اسمه بو جمعة)
*******************
قالك زوج دخلوا للمطعم واحد غني و الخر فقير الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني و قالوا قول بسم الله باش ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول
*******************
قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس شاي شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير الشاي
*******************
قالك مرة وحد الراجل متزوج زوج نسا وحدة من وهران وحدة معسكرية وهوما ماشيين طريق طاحتلو السيارة اونبان. نزلت الوهرانية وقالتلو شوف بالاك لابوجي بالاك الموتور بلاك...بالاك..بالاك...قالت المعسكرية كيفاه الوهرانية خيرمني زعما تفهم في كلش راحت للراجل وقالتو ..يا راجل شوف شوف بالاك نسيت البرمي علابيها طاحة اومبان.



وشكرااااااااا
الرجوع الى أعلى الصفحة اذهب الى الأسفل
 
حصريـــــ : نكت جزائرية 100% لكل من يود الضحك
الرجوع الى أعلى الصفحة 
صفحة 1 من اصل 1
 مواضيع مماثلة
-
» ليفهم جزائرية
» شريف و ابنو لي محيرو 100/100 جزائرية
» تعالو نضحك نكت جزائرية مضحكة جداااااا

صلاحيات هذا المنتدى:لاتستطيع الرد على المواضيع في هذا المنتدى
cool :: منتدى التسلية :: منتدى النكت-
انتقل الى: