قصـــة حــبـيــبـيــن !!!!

قصة حبيبين انتهت لكن كان هناك عتب للفراق من الشاب والبنت

ونترك الحكم للقراء

شعر جميل منقول بقلمى ان شاء الله يعجبكم

اتمنى احد يفيدنى عن الشاعر الى كتبها (:

لأن الحكايه بموال للفنان العراقى محمود انور (لاتنكرين)

...........................................................................................................

بهاي عيوني شفتك لا تنكرين ،*، وهذا الوجه ما يخفى عليا


مو انا الي شفتك لا تقولين ،*، اميزك لو أن كنتي بين ميه


صحيح وياك جايز تغلط العين ،*، بس القلب شافك قال هيا


اقولك وين شفتك اذا تريدين ،*، بمكان الي كنّا نقعد بيه سويا


واقولك حتى انتي كنتي شتلبسين ،*، من شفته عليك شصار بيا


يبا نفس الثوب هذا الي قبل شهرين ،*، جبته بعيد ميلادك هديه


وهاي الساعه الى بيدك ماتذكرين ،*، جبتها بسبب تأخيرك عليا


المحابس والتراجي وكحلة العين ،*، نسيتي انا جايبهن بديه


انان العطر كانت وحده واثنين ،*، وسويتك صدق اجمل بنيه


جبت لك كلشي حتى انتي تتحلين ،*، تتحلين بيهن مو إليا


حصة غيري صاير تعب السنين ،*، وبس المشترى صاير عليا



جواب البنت:


صحيح انا الي شفتها وانت مو غلطان ،*، بنفس الثوب هذا الى جبته ليا


وصحيح انا كنت مع شخص ثاني ،*، ما انكر اقولك انا هيا


صدق كل الي قلته صحيح ،*، انت الي جبتهن كلهن ليا


بس انا انطيتك قدهن اضعاف ،*، حنان ولهفه ولوم الناس بيا


كنت اشقد اجازف من اجيلك ،*، واتحمل حكي امي عليا


الأشياء الى جبتها إلك انتا ،*، البسهن انا وتتباهى بيا


جبتهن على ذوقك موب ذوقي ،*، لبستها لخاطرك ماتلوق ليا
هداياك الي يقولي شقد تساوي ،*، شتوازي شبابي أي هديه
انا انطيتك عمر سلمته بيدك ،*، بساعه ومحبس انت تمن عليا
وجاي اليوم الي تعيرني بيهن ،*، اضن عمرك ولا مقدم هديه
وانا ماشفت منك اي نتيجه ،*، وصار سنين اريدك تحس بيا
شفت العمر يجري وكل شي ماكو ،*، وقلت الحق النفسي انا شبيا
من اظل وياك يتركني قطاري ،*، بآخر لحظه صرت انا ذكيه
جبتلك ما جبتلك هذا همك ،*، لاكن ترتبط ما إلك نيه
اما الشخص هذا الى كان وياي ،*، اعتبره انا اجمل هديه
من اول يوم عرفته حسيته صادق ،*، جا الي بيتنا ويطلب إديه
وقارنتك انته وياه مرات شفت القلب يمك ،*، لاكن الحب حبيبي بهالزمن عشره بالميه
والتسعين انا بحاجه إلهن ،*، زواج واستقرار وأحلام ورديه
لذالك قررت اختار غيرك ،*، مو حقك تجي وتلوم بيا
واذا اقبلت قبل بهداياك ،*، اسمح لى ارجع هالهديه
انا بخاتم الخطبه تزهي ايديه (: